د هلمند د ناوې ولسوال له امنیتي ارګانونو غواړي چې دې ولسوالۍ ته د دولت د وسلهوالو مخالفینو لهخوا د متوجې جدي ګواښ مخه ونیسي.
اکا محمد تکړه پرون ازادي راډیوته وویل، وسلهوالو بیا د ناوې مرکز ته نېږدې سیمو باندې ډلهییز بریدونه پیل کړي او که امنیتي ارګانونه همغږي نهشي او عملیات پیل نهکړي نو د ناوې نورې سیمې به هم د وسلهوالو لاسو ته ورشي.
خو د هلمند د والي ویاند عمر ځواک وايي، کمکي ځواکونه ناوې ولسوالۍ ته رسېدلي او د وسلهوالو ګواښيې کم کړی دی.
دی وايي:
"ساحې ته ضربتي قوتونه رسېدلي دي. د ولسوالۍ جنوب لور ته جګړه ده او خال خال ډزې کېږي. کله-کله مخالفین ډلهییز بریدونه هم کوي، خو اوس قوتونه هلته رسېدلي او وضعیت تر کنټرول لاندې راغلی دی."
د هلمند ولایتي شورا بیا وايي چې تر څو پورې ګرمسیر، باباجي، مارجه او نورې هغه ولسوالۍ چې وسلهوال پهکې مرکزونه لري تصفیه نهشي د ناوې ولسوالۍ امنیتي وضعیت نه ښه کېږي.