د کابل- شمال لویه لاره چې نن سهار د بغلان د دوشي ولسوالۍ په کیلهګي سیمه کې د وسلهوالو مخالفینو له خوا بنده شوې وه بېرته پرانېستل شوه.
د بغلان د امنیه قوماندانۍ ویاند ذبیح الله شجاع ازادي راډيو ته وویل، دا لاره د افغان ځواکونو او وسلهوالو طالبانو ترمنځ له نښتې وروسته پرانېستل شوه.
نوموړي په بغلان کې د البرز ۹ عملیاتو په اړه هم معلومات ورکړل او ويي ویل چې په دې عملیاتو کې ۱۱ تنه وسلهوال طالبان وژل شوي او ۱۲ نور ټپیان دي.
دا عملیات دوه ورځې مخکې پیل شول چې د چارواکو په وینا په ترڅ کې یې د مرکزي بغلان ولسوالۍ اړوند لس کلي له وسله والو مخالفینو څخه پاک شول.
وسله والو طالبانو تراوسه پهدې اړه څه نهدي ویلي.