د پاکستان پارلمان د اګست په لومړۍ نېټه چې د سې شنبې ورځ ده، نوی صدراعظم ټاکي.
د پاکستان سترې محکمې د جمعې په ورځ حکم وکړ چې نوازشریف په اداري فساد کې ښکېل و او د هغه هېواد د صدراعظم پر چوکۍ د پاتې کېدو اهلیت نه لري.
نوازشریف وویل چې هېڅ ډول، ناسم کار یې نه دی کړی او د محکمې د حکم تر اعلان وروسته یې استعفی وکړه.
د نواز شریف ګوند "پاکستان مسلم لیګ نواز" د هغه هېواد په پارلمان کې لوی اکثریت لري چې له امله یې ښايي د پاکستان د صدراعظم چوکۍ ته د دې ګوند کاندید، شاهد خاقان عباسي وټاکل شي. شاهد خاقان عباسي د نواز شریف له وفادارانودی او مخکې د پاکستان د تېلو وزیر و.
تمه ده چې په پاکستان اپوزېسیون هم د عباسي په وړاندې خپل کاندید په پارلمان کېودروي.