نن شنبه د ارزګان ولایت په مرکز ترینکوټ کې د طبعیي پېښو پر واندې د مبارزې ریاست د هغه ۱۰۹۹ بېځایه شویو کورنیو سره د خوراکي توکو مرسته وکړه چې په دې وروستیو کې د خپلو کورنو څخه بېځایه شوې وې.
د یادې مرستې د وېش پر مهال په دغه ولایت کې د طبعیي پېښو پر وړاندې د مبارزې رئیس عصمت الله فیض رسنیو ته وویل چې دغه مرسته شوي مواد چې ټول
پنځه قلمه دي خوراکي توکي دي چې کولای شي د یوې کورنۍ لومړنۍ اړتیاوي پوره کړي.
ښاغلي فیض وویل:
"دغه مرسته شوي مواد پنځه قلمه دي چې ټول خوراکي توکي دي چې یوه ګونۍ وریجي، یوکېلو چای، یوه لس لېتره بوشکه غوړي، لس کېلو بوره او لس کېلو لوبیاده."
په ورته خت کې یو شمېر هغه جګړه ځپلي او کړېدلي چې د دولت له لوري ورسره مرستي وشوې ډېر خوشحال دي او وايي چې دغه مرستي یوازې د دوی لومړنۍ اړتیاوي پوره کولاي شي او بس.
د یاونې وړه ده چې دوې ورځې وړاندې هم په دغه ولایت کې د دولت له لوري د جګړې له قربانیانو سره د یونیم میلیونه افغانیو نغدي مرسته وشوه.