د فاریاب پولیس وايي، د کوهستان ولسوالۍ مرکز لولاش د وسله والو طالبانو په لاس کې دی، خو د بیا نیولو لپاره یې عملیات روان دي.
د فاریاب د امنیې قوماندانۍ ویاند، کریم یورش نن یکشنبه ازادي راډیو ته وویل چې امنیتي ځواکونه سیمې ته استول شوي دي.
د هغه په وینا، د کوهستان ولسوالۍ امنیه قومانداني، د ولسوالۍ ودانۍ او یو شمېر دولتي ادارې وسلهوالو نیولې دي.
ښاغلي یورش زیاته کړه:
"فعلاً هم پر هغو سیمو حملې روانې دي چې دښمنان پهکې راغونډ شوي دي."
راپورونه وايي چې په جګړه کې د تلفاتو دقیق رقم لا نهدی څرګند.