په شمال زون کې د ۲۰۹ شاهین قول اردو چارواکي وايي، د فاریاب د کوهستان ولسوالۍ په مرکز لولاش کې پوځي عملیات روان دي.
د دې قول اردوویاند نصرالله جمشېدي نن یکشنبه ازادي راډیو ته وویل چې له میمنې څخه پیاده ځواکونه کوهستان ولسوالۍ ته استول شوي او هوايي عملیات هم پېل شوي دي.
ښاغلي جمشېدي تایید کړه چې وسلهوالو طالبانو له تېرې شپې راهیسې د ولسوالۍ پر مرکز سختې حملې پیل کړي او څرګنده یې کړه چې بهرني وسلهوال هم په حمله کې لاس لري.
د هغه په وینا، په پوځي عملیاتو کې لږترلږه۴ پاکستاني وسلهوال وژل شوي دي.
د نصرالله جمشېدي په وینا، د لولاش ښار لنډ وخت وسلهوالو طالبانو نیولی و خو جګړه پهکې روانه ده.