د افغانستان د کورنیو چارو وزارت وایي چې په بدخشان کې د ۳۰ سیمهییزو پولیسو د تلفاتو دلیل د سیمهییزو پولیسو د مشرانو ناسم مدیریت و.
د دغه وزارت امنیتي مرستیال مراد علي مراد نن شنبه خبریالانو ته وویل چې سیمهییزو پولیسو ډېره مسلکي روزنه نهده لیدلې، نو له همدې کبله کله نا کله له ستونزو سره مخامخ کېږي.
د بدخشان د ولایتی شورا مشر عبدالله ناجي نظري ویلې چې د حکومت وسلهوالو مخالفینو د یمګان ولسوالۍ له لورې پر تګاب سیمه خپل بریدونه پیل کړي چې په نتیجه کې یې د سیمهییزو پولیسو او ولسي پاڅون کوونکو لږ تر لږه ۳۰ تنه ووژل شول.
د بدخشان چارواکي وایي، د سیمهییزو پولیسو ۲۰ تنه نور لادرکه هم دي.