په پام کې ده چې د افغانستان او ازبکستان د سوداګرۍ او صنایعو خونو تر منځ ډېر ژر د ګډو همکاریو یو تفاهملیک لاسلیک شي.
د سوداګرۍ او صنایعو خونې ویاند صیامالدین پسرلي نن شنبه ازادي راډیو ته وویل چې د دغه تفاهملیک چارې ازبکستان ته د افغان سوداګریز پلاوي د تګ پر مهال بشپړې شوې دي .
دوه ورځې وړاندې د سوداګرۍ او صنایعو خونې د مرستیال خانجان الکوزي په مشرۍ یو پلاوی ازبکستان ته ولاړ او هلته یې له ازبکستاني چارواکو سره د ګمرکي، ترانیزټي او سوداګریزو همکاریو په اړه خبرې وکړې.
پسرلي وویل چې اوس مهال له ازبکستان سره د افغانستان د سوداګرۍ کچه ۴ مېلیونه ډالره ده .