د فاریاب په قیصار او پښتون کوټ ولسوالیو کې لس ګونو وسله وال طالبان وژل شوي دي.
دا خبر د فاریاب د امنیه قوماندانۍ ویاند، عبدالکریم یورش پرون جمعه له ازادي راډیو سره شریک کړ.
عبدالکریم یورش وویل چې په قیصارکې په پوځي عملیاتوکې ۱۱ تنه وسله وال طالبان وژل شوي او درې تنه زخمیان شوي دي.
د هغه په وینا، په پښتون کوټ ولسوالۍ کې هم اووه تنه وسله وال طالبان وژل شوي او اولس تنه زخمیان شوي دي.
د فاریاب د امنیه قوماندانۍ ویاند زیاته کړه چې وسله والو طالبانو د جمعې په شپه د پښتون کوټ ولسوالۍ په سرحوض سیمه کې پر امنیتي پوستو حمله کړې وه چې د ولسي پاڅون پینځه غړي پکې ووژل شوو.
وسله والو طالبانو په دې اړه معلومات نه دي ورکړي.