افغان امنیتي ځواکونو له نن سهار څخه د هلمند د ناوې ولسوالۍ د بېرته نیولو لپاره عملیات بیا پیل کړل.
له سیمې د ازادي راډیو خبریال وایي، د دې ولسوالۍ د بېرته نیولو لپاره پرون سهار عملیات پیل شوي خو ماښام مهال په سیمه کې د ماینونو د زیاتوالي له کبله وځنډول شول.
امنيتي چارواکي وایي، له څو خواوو یې د ناوې د مرکز پر لوري پرمختګ پیل کړی دی.
په جګړو کې دواړو خواوو ته د مرګ ژوبلې دقیق شمېر نه دی معلوم.
دا ولسوالي چې له تیر یوه کال راهیسې د وسله والو طالبانو په لاس کې ده، د هلمند مرکز لښکرګاه لپاره خاص اهمیت لري.