په بلخ کې د هندواڼو او خټکیو په محصولاتو کې د تېر په پرتله سږ کال ۱۵ سلنه زیاتوالی راغلی دی.
د بلخ د کرنې رئیس سراجالدین مهربان نن یکشنبه ازادي راډیو ته وویل چې سږ کال په بلخ کې د حاصلاتو کچه لوړه ده، خو له بدهمرغه دغو محصولاتو ته بازار نشته .
مهربان وایي چې په بلخ کې بزګران هندواڼې او خټکي په ارزانه بیه پلوري او دومره پیسې نهلري چې نورو ولایتونو ته یې انتقال کړي.
مهربان وايي چې سږ کال به د اټکل لهمخې په دغه ولایت کې بزګران ۴ زره ټنه د هندواڼو او دغه راز درې نیم سوه زره ټنه، د خربوزو حاصلات ولري.
د بلخ د کرنې رئیس له بزګرانو غواړي چې له دې وروسته باید دوی د کرکیلې پلان د کرنې ریاست سره همغږی کړي، څو د کرنې ریاست د حاصلاتو د راټولو پر وخت ورته کورني او نړیوال بازارونه ولټوي.