د مخدره موادو پر ضد د مبارزې پولیسو په تېره یوه اوونې کې اته تنه د مخدره موادو د قاچاق په تور نیولي دي.
د مخدره موادو پر ضد د مبارزې عدلي او قضايي مرکز ویاند خالد موحد د چهار شنبې په ورځ ازادي راډیو ته وویل چې دا کسان په کابل، هرات او کندهار ولایتونو کې نیول شوي او د عدلي او قضايي ادارې په مرکز کي پوښتني ګروېږنې ترې نه کېږي.
ښاغلی موحد زیاتوي چې له دې قاچاق وړونکو څخه ۱۹ کېلوګرامه هیروئین ۳۴ کېلوګرامه مورفین۱۳۰ کېلوګرامه تریاک او ۱۵۳۴۱ کېلو ګرامه جامد کیمیاوي مواد ترلاسه شوي دي.