د فاریاب ولایت امینتي مسؤلین وايي، د فاریاب- جوزجان مهمه لار يې د ټرافیکو پر مخ خلاصه کړه.
دغه لار له يوې مياشتې د دولت ضد وسلهوالو د بريدونو له کبله تړلې وه.
د فاریاب ولایت د امنيې قوماندانۍ ویاند عبدالکریم یورش نن یکشنبه ازادي راډیو ته وویل، د فاریاب ولایت «د میمنې لومړۍ نمبر لاره» چې تر جوزجان ولایته رسېږي، د امینتي ځواکونو د عملیاتو په نیتجه کې، د ټرافیکو پر مخ خلاصه شوه.
ښاغلي یورش وويل، سیمې ته تازه دمه ځواکونه رسېدلي او د وسلهوالو مخالفینو پر ضد یې عملیات پیل کړي چې ښې نتیجې لري.