د امريکا د بهرنيو چارو وزير ريکس ټېلرسن د اوکراين پلازمېنې کييف ته ورسېد.
ټېلرسن به نن یکشنبه اوکراين ته په خپل لومړي رسمي سفر کې د اوکراين له ولسمشر پيټرو پروشينکو سره خبرې وکړي.
ټېلرسن وروسته له دې اوکراین ته ځي چې د «جي۲۰» په سرمشریزه کې د امریکا او روسیې ولسمشرانو ډونالد ټرمپ او ولادمیر پوتین د لومړي ځل لپاره له یو بل سره مخامخ خبرې وکړې.
سره له دې چې ټرمپ له پوتین سره خپله کتنه فوقالعاده وبلله، خو د ده حکومت لا هم پر روسیې بندیزونو ته دوام ورکړی دی.
امریکا پر روسیې وروسته لهدې بندیزونه ولګول چې دغه هېواد د اوکراین کریمیا له خپلې خاورې سره یو ځای کړه.