وسلهوالو طالبانو د کندهار د خاکرېز ولسوالۍ په شلغمي او منډمک سیمو کې د پوليسو پر پوستو حمله کړې چې په نتيجه کې يې څلور وسلهوال وژل شوي، یو ملکی او درې وسلهوال ټپيان شوي دي.
د کندهار د پوليسو وياند ضیأ دُراني نن دوشنبه ازادي راډيو ته وويل چې دغې جګړې څو ساعته دوام وکړ.
ښاغلي دُراني وویل:
"په څو ساعته جګړه کې وسلهوالو ته درانه تلفات واوښتل چې څلور يې لهمنځه تللي او درې نور يې هم مرګوني ټپيان دي، چاودېدونکي مواد ورڅخه نیول شوي او زموږ هم دوه ساتونکي چې په مېړانه يې مقاومت وکړ، برسېرن ټپیان شوي چې روغتیايي وضعیت يې اوس ښه دی."
په همدې حال کې په خاکرېز ولسوالۍ کې په ځمکه کې د خښ شوي ماين د چاودېدو په نتيجه کې په یوه موټر کې سپاره څلور ملکيان وژل شوي او يو ټپي شوی چې وژل شوي دوه ښځې او دوه سړي وو.