د چین ولسمشر شي جین پېنګ خبرداری ورکړی چې هېواد به یې په هانګ کانګ کې د خپلو اختیاراتو په وړاندې هېڅ ډول ستونزه ونه زغمي.
ولسمشر شي دا څرګندونې نن شنبه په هغو مراسمو کې د ګډون پر مهال وکړې چې د هانګ کانګ د نوي مشر کِري لام Carrie Lamد لوړې لپاره جوړ شوي وو.
په عین حال کې هانګ کانګ له برېتانیا څخه چین ته د دغه هېواد د سیاسي واک د لېږلو ۲۰ مه کالیزه لمانځي.
ولسمشر شي وویل، هره هغه هڅه چې د چین حاکمیت او امنیت له خطر سره مخ کوي، د مرکزي حکومت واک ګواښي او یا د دغه هېواد په وړاندې د تخریبي فعالیتونو او نفوذ لپاره له هانګ کانګ څخه استفاده کېږي، له کرښي وتلی او کاملاً ممنوع عمل ګڼل کېږي.
بلخوا زرګونه مظاهره کوونکو په هانګ کانګ کې د ډموکراسي پلوه ائتلاف لهخوا په یوه تنظیم شوي لاریون کې برخه واخیستله.
لاریون کوونکو د هانګ کانګ او پېکنګ د مشرانو پر ضد شعارونه ورکول.