- تصادف یا یو پټ پیغام؟
دا هغه پوښتنه وه چې د بریتانیا ملکې الیزابت د خپلې خولۍ د رنګ په جوړښت سره د ټولنیزو رسنیو پام ځان ته واړاوه.
د بریتانیا ملکي الیزابت د چهارشنبې په ورځ چې د هغه هېواد د پارلمان غونډهیې پرانیستله د وینا پر مهال داسې خولۍ پر سر کړې وه چې رنګیې د اروپایي ټولنې بیرغ ته ډېر ورته وو.
په هغه بحث کې چې د بریتانیا د صدراعظمې ترېزا مې حکومت له اروپایي ټولنې څخه د وتلو په اړه بحث کاوه، ملکې الیزابت د رسمي وینا پر مهال یوه ابي رنګه شاپو پر سر وه چې په ابي قوسي ګلانو تزئین شوې او د هر ګل په منځ کې یو ژیړ ستوری ښکارېده.
د ملکې الیزابت خولۍ.
دا ډیزاین تر ډېره د اروپا بیرغ ته ورته دی چې شین رنګ لري او ژیړ رنګه ستوري په دایروي شکل ورباندې ډیزاین شوي دي.
همدې مسئلې د ټولنیزو رسنیو پام ځان ته واړاوه او لیکنې ورباندې وشوې.
ډېلي مېل ورځپاڼي پر ټویټر لیکلي:
"ملکې د برېګزېټ د پلان په اړه داسې مهال خبرې کړي چې د اروپایي ټولنې بیرغ ته ورته خولۍ یې پر سر وه."
ځینو پر ټویټر داسې انځور جوړ کړی وو چې یوه برخهیې د ملکې الیزابت خولۍ او نیمه بله برخهیې د اروپایي ټولنې له بیرغ څخه جوړ شوی وو.
ځینې داسې فکر کوي چې ښایي دا د ملکې له لوري یو قصدي کار وي او په دې توګه یو پیغام رسوي.
د بریتانیا ملکه د هغه هېواد د مشرې په توګه په سیاسي مسایلو کې د عام دریځ نیولو څخه ډډه کوي.
د بریتانیا چاپ «The Sun» د سن انځوریزې ورځپاڼي تېر کال ادعا کړې وه چې ملکه الیزابت د برېګزېټ ملاتړ کوي.
دا خبره په رسمي ډول رد شوه او په اړهیې د رسنیو د څار ادارې ته شکایت وشو.