پاکستاني چارواکي وايي، د هوايي ځواک يوې جټ الوتکې يې د ايران يوه بېپېلوټه الوتکه ويشتلې او نسکوره کړې ده.
د دوى په وينا، دغه ډرون الوتکه تر ډېره د پاکستان فضايي حريم ته ننوتلې وه.
د پاکستان رسنيو پرون سې شنبه د ځينو چارواکو په حواله چې نومونهيې نهدي اخيستل شوي، راپور ورکړى چې دغه الوتکه د اوونۍ په پيل کې د بلوچستان ايالت په پنجګور سيمه کې نسکوره کړاى شوې ده.
په وروستيو مياشتو کې ايران د هغو سخت دريځو وسلهوالو په اړه چې د پاکستان پر سرحد فعال دي، اندېښنه څرګنده کړې ده.
په مې مياشت کې د ايران لوى درستيز خبردارى ورکړى و، که اسلاماباد د هغو افراطي وسلهوالو پر ضد چې د پولې په اوږدو کې حملې کوي، مبارزه ونهکړي، تهران به د پاکستان په خاوره کې دننه د دغو وسلهوالو مرکزونه وولي.