د افغانستان د کرکټ ملي لوبډله د ویسټانډیز سره د نړیوالو سیالیو د تر سره کېدو وروسته کابل ته راستنه شوه.
د کرکټ افغان ملي لوبډلې ویسټانډيز سره په دغه سفر کې درې شل اوریزې او درې یو ورځينۍ سیالۍ وکړې چې د شل اوریزو جام کوربه هېواد خپل کړ، خو په یوه ورځنیو سیالیو کې دواړه لوبډلې برابرې شوې.
د درېیو يو ورځینو سیالیو درېیمه او وروستۍ لوبه د باران له امله بې نتیجې پای ته ورسېده، خو په لومړۍ لوبه کې افغانستان او په دوهمه کې ویسټانډيز بریا خپله کړه.
دغه سیالۍ د ۲۰۱۷ میلادي کال د جون په درېیمه پېل او د جون په ۱۴ مه پایته ورسېدې.