نړیوالې جنایي محکمې د لیبیا د پخواني مشر معمر قذافي د زوی سیف الاسلام قذافي د بېرته سمدستي نیولو غوښتنه کړې ده.
سیف الاسلام قذافي تېره اوونۍ په لیبیا کې وروسته له شپږکاله زندانه د یوې وسلهوالې ډلې له لوري خوشې شو.
په هالنډ کې هاګ محکمې په ۲۰۱۱ کال کې د بشري حقونو پرضد جنایتونو په تور د سیف الاسلام قذافي د نیولو امر کړی و.
سیف الاسلام د لیبیا په لویدیځ کې د زنتان په ښار کې بندي و او ویل کېږي چې د جون په نهمه بخښل شوی او له زندانه خوشې شوی دی.
تراوسه د هغه د اوسېدو ځای نهدی معلوم او خپلواکو سرچینو هم د سیف الاسلام د خوشې کېدو خبرونه تردې دمه نهدي تائید کړي.