پولیسو په مسکو او سن پټرزبورګ ښارونو کې څه باندې ۲۰۰ مظاهره چیان نیولي دي.
په مسکو کې ۱۲۱ کسان د فساد ضد مظاهرې پر مهال نیول شوي دي چې په کې سیاسي مخالف الیا یاشین هم شامل دی.
په سن پټرزبورګ ښار کې ۱۳۷ کسان نیول شوي دي.
دا مظاهرې د سیاسي مخالف الکسي ناوالني له خوا تنظیم شوې وې چې نن په مسکو کې په خپل کور کې له مظاهرو شېبه مخکې د پولیسو له خوا ونیول شو.
د مظاهره چیانو له ډلې یو کس چې بوریسینکو نومېږي د پولیسو له منګولو هم تښتیدلی د مظاهرې په اړه داسې وویل:
"زه نن دلته د دې لپاره یم چې په روسیه کې فساد اوج ته رسېدلی دی. په ایسلنډ کې صدراعظم د فساد په خاطر ګوښه کېږي خو زموږ صدراعظم ډیمیټري مېدوېدېف په لویو قضیو کې لاس لري اما تر اوسه نه دی لېرې شوی. دا د هېواد د پرمختګ وژنه ده."
په مسکو کې د مظاهرې پر مهال ګاز هم کارول شوي خو نوعیت یې نه دی معلوم.
د ښار په سر څرخي الوتکې هم ګرځي راګرځي.
د سایبریا په دوو ښارونو کې هم نن له غرمې مخکې یو شمېر مظاهره چیان نیول شوي و.