د افغانستان په سویلي ولایت ارزګان کې نن د جمعې په ورځ د ۶۸۵ ښځینه او نارینه زدهکوونکو څخه د کانکور ازموینه واخېستل شوه.
د ارزګان ولایت د پوهنې سرپرست رئیس عبدالرازق وفا ازادي راډيو ته وویل چې دغه زدهکونکي د ارزګان ولایت د مرکز او ولسوالیو له عالي لېسو څخه فارغ شوي کسان دي چې ۶۱ يې ښځینه او پاتې ۶۲۴ يې نارینه دي.
نوموړی وايي چې دغه پروسه به ډېره شفافه وي او هېڅ یو زورواکي ته به اجازه ونهکړي چې د شفافیت خنډ وګرځي.
په ورته وخت کې په یاده ازموینه کې ګډونکوونکې زدهکوونکي خوښ دي او د شفافیت غوښتنه کوي.
دا په داسې حال کې ده چې د مسؤلینو په خبره په دغه ولایت کې له تېرو لسو میاشتو راهیسې د ۳۱۸ ښوونځیو نه یوازې ۷ ښوونځي فعال دي.