افغان حکومت وايي، تمه لري چې د شانګهاي د همکارۍ سازمان به د ترورېزم ګواښ درک کړي.
د افغانستان جمهوري ریاست وايي، د شانګهاي د همکارۍ سازمان په سرمشریزه کې چې نن د قزاقستان په مرکز استانه کې جوړېږي د کابل پروسې د ګډونوالو ونډه به په افغانستان کې د سولې او ثبات له هڅو سره مرسته وکړي.
د ولسمشرۍ ماڼۍ د ویاند مرستیال شاه حسین مرتضوي نن په دې اړه ازادي راډیو ته وویل:
"افغانستان تمه لري چې د سیمې هیوادونه او د شنګهاي غړي د ترورېزم د ګواښ پراختیا درک کړي او له یو بل سره په همکاري او اجماع ددې پدیدې پر وړاندې مبارزه وکړي."
افغان چارواکو ویلي چې ولسمشر محمد اشرف غني به د شنګهاي د همکارۍ سازمان د سرمشریزې په څنډو کې د روسيې، چین او د منځنۍ اسیا د یو شمېر هېوادونو له مشرانو سره جلا جلا کتنې وکړي.