د افغانستان جمهوري ریاست وايي، د بلخ د والي وروستۍ څرګندونې د حکومت په تصامیمو تاثیر نه لري.
د ولسمشر مرستیال ویاند نجیب ازاد وروسته له هغه دا خبره ازادي راډیو ته وکړه چې د بلخ والي عطا محمد نور د بهرنیو چارو سرپرست وزیر صلاحالدین رباني هغه غوښتنې تصدیق کړې چې د ملي امنیت د سلاکار په شمول امنیتي چارواکي له دندو لرې شي.
نجیب ازاد وویل:
"د بهرنیو چارو سرپرست وزیر صلاحالدین رباني په غونډه کې د ګوند په استازیتوب خبرې کړي دي، د بلخ د سرپرست والي د خبرو په اړه چې د حکومت خبرېیې رد کړي، باید ووایم چې تصامیم په ارګ کې نیول کېږي."
صلاحالدین رباني د جمعیت اسلامي ګوند په یوه غونډه کې د حکومت امنیتي مقامات په چارو کې کمزوري یاد کړل او تور یې پورې کړ چې د ده په خبره د ځینو امنیتي مقاماتو له همکارۍ پرته په کابل کې وروستۍ پېښې ممکنې نه وې.
د صلاحالدین رباني غوښتنه چې د ملي امنیت د سلاکار په شمولیې د امنیتي مقاماتو ګوښه کول غوښتي وو، پخوا د ارګ ماڼۍ له خوا رد شوه.