د کندز امنيه قومانداني وايي، په امام صاحب ولسوالۍ کې يې د دولت ۱۱ وسلهوال مخالفین وژلي دي.
د امنیه قوماندانۍ ویاند انعامالله رحماني نن سه شنبه ازادي رادیو ته وویل، افغان هوايي او پلي ځواکونو دا عملیات د امام صاحب ولسوالۍ په ملا قلي سیمه کې کړي دي.
د ښاغلي رحماني په خبره، په وژل شویو وسلهوالو کې ۹ تنه د تاجکستان وګړي دي.
د کندز چارواکي وايي، د امام صاحب ولسوالۍ د امنیت د ټینګښت په هدفيې دې ولسوالۍ ته اضافي ځواکونه هم استولي دي.
بل لور ته ذبیحالله مجاهد چې ځان د طالبانو ویاند معرفي کوي، رسنیو ته ویلي چې طالبانو په امام صاحب ولسوالۍ کې ۶ امنیتي پوستې نیولي او نهه سرتېري يې وژلي دي.
د کندز چارواکو بیا د طالبانو دا ادعا بېبنسټه بللې ده.