د ارزګان ولایت سیمهییز چارواکي وايي د دغه ولایت په چوره ولسوالۍ کې تېره شپه دوه وسلهوال طالبان خپلمنځي نښته کې وژل شوي.
د دغه ولایت د چورې ولسوالۍ ولسوال امینالله د دوشنبې په ورځ ازادي راډیو ته وویل چې دغه نښته تېره شپه وسلهوالو طالبانو د دغې ولسوالۍ د ګلزار په سیمه کې کړې وه چې پر مهال درې وسلهوال طالبان هم ټپیان شوي دي.
ولسوال همداراز زیاتوي چې تېره شپه په همدې ولسوالۍ کې د افغان امنیتي ځواکونو او وسلهوالو طالبانو تر منځ څو ساعته نښته هم شوې چې پر مهال یې یو شمېر وسلهوالو طالبانو ته مرګ ژوبله هم اوښتې، خو وايي چې د کره شمېر په اړه نور معلومات نهلري.
نوموړی وايي چې افغان امنیتي ځواکونو ته کوم زیان نهدی اوښتی.
وسلهوالو طالبانو تر اوسه په دې اړه څه نهدي ویلي.