د افغانستان دفاع وزارت وايي، تېرو ٢٤ ساعتونو کې د پوځي عملياتو په نتيجه کې د دولت تر ۶۰ زيات وسلهوال مخالفین وژل شوي دي.
د دغه وزارت مرستيال وياند بريد جنرال محمد رادمنش نن يکشنبه ازادي راډيو ته وويل چې دغه عمليات چې په بېلابېلو ولايتونو کې شوي، په نتيجه کې يې ٢٩ نور وسلهوال ټپيان شوي دي.
په دې شمېر کې ٢٦ تنه د داعش غړي هم شامل دي چې د ننګرهار په اچين کې وژل شوي دي.
دفاع وزارت وايي، دا مهال په ١٢ ولايتونو کې د دوى ١٥ پوځي عمليات روان دي.
د دولت کومې مخالفې ډلې په دې اړه تبصره نه ده کړې.