بریتانیايي چارواکي وايي، لږ تر لږه ۲۰ تنه هغه مهال ټپیان شول چې یو واګون د لندن په تاریخي پُل لندن برج کې پر لارویانو ور وخېژول شو او څو تنه نور دغه پله نیژدې په یوه رسټورانټ کې پر چړو ووهل شول.
پولیسو نن یکشنبه وویل، لومړۍ پېښه د شپې په شاوخوا ۱۰ بجې په لندن برج کې وشوه.
چارواکي وايي، دا حملې تروریستي دي.
د لندن د امبولانس خدماتو ویلي چې ۲۰ تنه ټپیان یې روغتونونو ته رسولي دي.
تر اوسه پورې د دغو حملو په نتیجه کې د چا د وژل کېدو په اړه څه نه دي ویلي خو سن ورځپاڼې ویلي چې ۷ تنه وژل شوي دي.
بي بي سي ویلي چې پولیس د درېيو تنو د موندلو په لټه کې دي چې ممکن په وسلو سمبال وي.