د ارزګان ولایت ولایتي مسؤلین وايي، تېره شپه د دغه ولایت په مرکز ترینکوټ په خپل منځي نښته کې ۴ ملي پولیس ټپیان شوي دي.
د دغه ولایت د ولایتي روغتون رئیس ډاګترامینالله توخې نن شنبه ازادي راډيو ته وویل چې دغو ملي پولیسو تېرشپه د ارزګان په مرکزي روغتون کې لومړی لفظي شخړه وکړه چې وروسته دغه شخړه په وسلهواله نښته واوښته او پریو بل یې ډزې وکړې.
نوموړي وویل، که امنیتي چارواکي د دغه ډول پېښو مخه ونه ونیسي، دوی به د ټولو خلکو پر مخ خپل روغتیايي خدامات ودروي.
په ورته وخت کې د دغه ولایت دامنیت امرعبدالقوي عمري یاده پېښه تائیدوي او وايي چې په دغه پېښه کې دوه پولیس ټپیان شوي دي.
نوموړی وايي، پهدې تړاو يي دوه پولیس نیولي او تر څېړنولاندې دي.
دا په داسې حال کې ده چې تېره اوونۍ هم د دغه ولایت په چورې ولسوالۍ کې د ملي پولیسو او ملي اردو ځواکونو تر منځ په خپل منځي نښته کې دواړه لورو اتو تنو ته مرګه ژوبله اووښتې وه.