د افغانستان د مالیې وزارت ویاند وايي، د روان مالي کال د لومړیو ۵ میاشتو په عوایدو کې د تېرې کال په پرتله ۲ فیصده زیاتوالی راغلی دی.
اجمل حمید عبدالرحیمزي نن د شنبې په ورځ ازادي راډیو ته وویل، هڅې روانې دي چې د روان کال تر پایه د عوایدو ګراف نور هم لوړ شي.
سږکال د عوایدو هدف ۱۵۳ مېلیارده افغانۍ ټاکل شوی دی.
ښاغلي عبدالرحیمزی په ګمرکونو کې له فساد سره مبارزه او د اصلاحاتو راوستل د عوایدو د زیاتېدو مهم لامل ګڼي.