د افغانستان د ملي دفاع وزارت وايي، په تېرو ۲۴ ساعتونو کې د هېواد په مختلفو برخو کې د دولت د وسلهوالو مخالفانو پرضد په تهاجمي عملیاتو کې ۴۳ وسلهوال وژل شوي،۱۸ تنه ژوبل او درې نیول شوي دي.
د دفاع د وزارت اعلامیه وايي، په دې عملیاتو کې هوايي او توپچي ځواک هم برخه درلوده.
د اعلاميې له مخې دا پوځي عملیات د ننګرهار، پکتیا، پکتیکا، بغلان، بدخشان، غزني، هرات او لغمان په ګډون یو شمېر نورو ولایتونو کې شوي دي.
چارواکي وايي، د دې عملیاتو په ترڅ کې د دولت د وسلهوالو مخالفینو ۳ قوماندانان هم وژل شوي دي او یوه اندازه وسلې او مهمات هم د افغان ځواکونو لاسو ته ورغلي دي.
د دولت وسلهوالو مخالفانو تراوسه د دې عملیاتو په اړه څه نهدي ویلي.