د افغانستان ولسمشر او د سعودي عربستان پاچا پرون دوشنبه د دوو هېوادونو پر اړیکو او همکاریو خبرې وکړې.
ولسمشر محمد اشرف غني او سلمان بن عبدالعزیز السعود له ترورېزم سره د مبارزې له نړیوال کنفرانس وروسته په ریاض کې سره وکتل.
د افغانستان ولسمشر د سعودي عربستان له پاچا سره په کتنه خوښي ښکاره کړه او د سعودي عربستان له تود هرکلي یې مننه وکړه.
د افغانستان ولسمشر د شنبې په ورځ سعودي عربستان ته ورسېد او د یکشنبې په ورځیې په ریاض کې له ترورېزم سره د مبارزې په نړیواله غونډه کې ګډون وکړ.
د افغانستان ولسمشر په سعودي عربستان کې د امریکا له ولسمشر او د ملي امنیت له سلاکار سره هم جلا-جلا وکتل.