د فاریاب ولایت امنیتي چارواکي وايي، په دولتآباد ولسوالۍ کې له افغان ځواکونو سره په جګړه کې ۱۵ وسلهوال طالبان وژل او ټپیان شوي دي.
د فاریاب د امنیه قوماندانۍ ویاند عبدالکریم یورش ازادي راډيو ته وویل چې جګړه پرون وروسته له هغه پیل شوه چې وسلهوالو د دولتاباد په توپخانه کلا سیمه کې د افغان ځواکونو پر امنیتي پوستو حملې وکړې.
ښاغلی یورش وايي:
"په توپخانه کلا سیمه کې طالبانو زموږ پر امنیتي پوستو حمله وکړه چې حملهیې شنډه شوه او په پای کې یې څلور وسلهوال مخالفین ووژل شول چې د ازبکستان یو وګړی هم پهکې دی."
ښاغلي یورش زیاته کړه چې په پرونۍ جګړه کې ۱۱ نور وسلهوال مخالفین هم ټپیان شوي دي.
د امنیه قوماندانۍ ویاند وویل چې په جګړه کې افغان ځواکونو ته زیان نهدی اوښتی.
د وسلهوالو طالبانو سرچینو تر اوسه په دې اړه څه نهدي ویلي.