د سپینې ماڼۍ یو لوړپوړی چارواکي وایي چې د متحدو ایالتونو ولسمشر ډونالډ ټرمپ د ناټو د غړیو لهخوا د دفاعي لګښتونو د زیاتوالي له ژمنو راضي دی خو که په خپلو ژمنو عمل ونهکړي د خپل ملاتړ په بېرته اخېستو به غور وکړي.
دغه چارواکي چې نوم یې نهدی اخیستل شوی، د چهارشنبې په ورځ بهرنیو خبریالانو ته وویل چې ټرمپ اوس له ناټو سره جوړ دی او ورسره به پاتې شي خو که ناټو په دې برخه کې ډېر ژر او زیات پرمختګ ونهکړي نو به ورڅخه خپل ملاتړ بېرته واخلي.
ټرمپ چې د ولسمشرۍ په انتخاباتې کمپاین کې یې پر ناټو پرلهپسې انتقادونه کړي و چې غړي یې په عادلانه توګه لګښتونه نه ورکوي او نه هم هغه په اغېزمن ډول د ترهګرۍ په وړاندې نړیواله مبارزه مخ ته وړي، تېره میاشت ویلي و چې دغه تړون نور بې اهمیته نهدی.