د کونړ امنیتي چارواکي وايي چې مرکز اسعداباد ښار باندې د یوه راکټ د لګېدو په پېښه کې د ولایت د بشري منابعو او د آترا رئیسان وژل شوي دي.
د کونړ د والي ویاند عبدالغني مصمم ازادي راډيو ته وویل چې دغه حمله نن سهار شاوخوا ۸ بجې شوې ده چې له امله یې یو شمېر کسان ټپيان شوي هم دي.
ښاغلی مصمم زیاتوي د بشري منابع رئیس سنګر افغان او د اترا رئیس محمد ناصر نومېدل چې دواړه په پېښه کې وژل شوي دي.
د کونړ چارواکي د حملې مسؤلیت پر وسلهوالو طالبانو اچوي، خو هغوی تراوسه په دې اړه څه نهدي ويلي.