د کندز ولایتي شورا او خلک وایي، د دغه ولایت څلور ولسوالۍ باید ډېر ژر د وسلهوالو مخالفینو له شتون څخه پاکې شي.
د کندز د ولایتي شورا رئیس امرالدین ولي ادعا کوي چې د دغه ولایت درې ولسوالۍ کلباد، اقتاش او ګلتپه لاهم د وسلهوالو مخالفینو تر حاکمیت لاندې دي، خو دولت د دغو ولسوالیو د بېرته نیولو او فعاله کولو جدي اراده نهلري.
د کندوز خلک وایي، که وضعیت په همدې ډول پاتې شي، د کندز نورې ولسوالۍ به هم د وسلهوالو مخالفینو لاس ته ورشي.
بلخوا د کندز امنیه قوماندان جنرال عبدالحمید حمیدي ازادي راډیو ته وویل، دوی پلان لري چې یادې ولسوالۍ د وسلهوالو مخالفینو له شتون څخه پاکې کړي او هلته خلکو ته عامه خدمتونه وړاندې کړي.
دا په داسې حال کې ده چې د کندز سیمهییز چارواکي وايي چې دوی خپلو پوځي عملیاتو ته په دې هدف زور ورکوي، څو په روان کال کې د دغه ولایت ټولې سیمې د وسلهوالو مخالفینو له شتون څخه پاکې کړي.