پرتګالي سندرغاړي د یورو وېژن سندرو د کلنۍ سیالۍ لومړی مقام وګاټه.
اټکل کېږي چې دا سیالۍ په نړۍ کې شااوخوا ۲۰۰ میلیونه کسانو په مستقیم ډول ولیده.
په دې سیالۍ کې چې د تېر مېلادي کال د ګټونکي هېواد اوکراین په پلازمېنه کیف کې وشوه، د پرتګالي سندرغاړي سالفادور سوبرال سندرې لومړی مقام خپل کړ.
تېر مېلادي کال اوکراینۍ سندرې لومړی مقام ترلاسه کړی و.
سږ کال دوهم مقام بلغاريا او درېيم مالدویايي سندرې وګاټه.