د ارزګان ولایت سیمه یيز امنیتي چارواکې وايي، د دغه ولایت په خاص ارزګان ولسوالۍ کې د نښتې پرمهال ۸ وسله وال طالبان وژل شوي.
د ارزګان ولایت د خاص ارزګان ولسوالۍ امنیه قوماندان عبدالصمد نن جمعه ازادي راډيو ته وویل چې نن سهار اته بجې وسلهوالو طالبانو د دغې ولسوالۍ د چارا کیا سیمه کې پر مېشتو امنیتي پوستو بریدونه وکړل چې وروسته افغان امنیتي ځواکونه ورسره په نښته واوښته او ترماسپښین څلوربجو پورې یې دوام وکړ چې پر مهال يې ۸ وسلهوال طالبان ووژل شول او۵ نور ټپيان شول.
نوموړی وايي، په یاده نښته کې یو پولیس هم ټپي شوی دی.
وسلهوالو طالبانو تراوسه په دې اړه څه نهدي ویلي.
دا په داسې حال کې ده چې د مسؤلینو په خبره د دغې ولسوالۍ لاره د مرکز ترینکوټ سره د تیریو نیم کال راهیسې وسلهوالو طالبانو د ترافیکو پرمخ تړلې ده.