د کندهار د میوند اتلانو فوټبال لوبډلې ته انتخاباتي سیالۍ نن چهارشنبه پیل شوې.
د افغانستان د فوټبال فدراسیون تخنیکي ډایرکتر طاهر رؤفي د چهارشنبې په ورځ ازادي راډیو ته وویل چې دغه سیالۍ د ۶ لوبډلو تر منځ په دوو ګروپونو کې ترسره کېږي.
ښاغلي رؤفي وویل:
"د دغو سیالیو هدف دا دی څو د میوند اتلان د فوټبال لوبډلې لپاره غوره لوبغاړي معرفي شي."
د میوند اتلان فوټبال لوبډلې ته په انتخاباتي سیالیو کې له کندهار څخه دوو او دغهراز له ارزګان، هلمند، نیمروز او زابل څخه یوې یوې لوبډلې ګډون کړی دی.
دغه سیالۍ څلور ورځې دوام کوي.