د افغانستان د بایسکل ځغلونې فدراسیون مسؤلین وایي چې د جمعې په ورځ د ښځینه بایسکل ځغلونکو اته کسیزه ډله د پاکستان د ښځینه بایسکل ځغلونکو په سیالیو کې د ګډون په هدف اسلامآباد ته ځي.
د بایسکل ځغلونې د فدراسیون رئیس صادق صادقي د چهارشنبې په ورځ ازادي راډیو ته وویل چې دغه سیالۍ د دوو ورځو لپاره په اسلامآباد کې ترسره کېږي.
د دغو سیالیو لپاره په انفرادي ډول ۳۰ کېلومتره واټن او په ډلهییز ډول ۸۰ کېلومتره واټن ټاکل شوی دی.
صادقي د دغو سیالیو هدف د افغان ښځینه بایسکل ځغلونکو وده په ګوته کړه.