د چمن-سپینبولدک لویه لار نن د شپږمې ورځې لپاره هم د هر ډول تګ راتګ پر مخ تړلې ده.
د کندهار د والي ویاند صمیم خپلواک ازادي راډیو ته وویل چې د دغې لارې د بېرته خلاصېدو لپاره هڅې روانې دي.
د چمن-سپینبولدک لار شپږ ورځې وړاندې د پاکستاني ځواکونو له لوري له هغې وروسته وتړل شوه چې د ډیورند پر کرښه د لقمان او حاجي نظر په کلیو کې د افغان او پاکستاني ځواکونو تر منځ نښته وشوه.
په دغې نښته کې دواړو لورو ته یو شمېر کسان مړه او ټپیان شول.