د غزني ولایت سیمهييز چارواکي وايي چې په دغه ولایت کې تېره ورځ د یوه ښوونځي ۸۷ زدهکوونکې نجونې مسمومې شوې دي.
د غزني والي عبدالکریم متین د سې شنبې په ورځ ناوخته ازادي راډيو ته وویل چې د دغه ولایت په مرکز کې د ولي عدلي خاک غریبا په نوم ښوونځيو مسمومې شوې زدهکوونکې د غزني ملکي روغتون ته انتقال شوې دي.
نوموړی وايي چې د زدهکوونکو د مسمومیت لامل لا تر اوسه نهدی معلوم، خو په اړهیې پلټنې روانې دي.
په ورته وخت کې د دغه ولایت د ملکي روغتون رئیس ډاکتر باز محمد ازادي راډيو ته وویل چې د زدهکوونکو روغتیايي حالت ښه دی او له درملنې وروستهيې ټولې زدهکوونکې کورونو ته استولې دي.