د حزب اسلامي مشر ګلبدین حکمتیار نن په کابل کې د خپلو پلويانو يوې لويې غونډې ته خبرې وکړې.
ښاغلی حکمتیار تېره ورځ وروسته له شا او خوا دوو لسيزو د افغانستان پلازمېنې کابل ته راغی او د ولسمشر، اجرائيه رئيس او نورو افغان چارواکو له خوا يې هرکلی وشو.
د افغان حکومت او د حزب اسلامي تر منځ د سولې موافقه شا او خوا اته مياشتې مخکې لاسلیک شوې وه.
ښاغلي حکمتيار له طالبانو وغوښتل چې د افغانستان د سولې له بهير سره یو ځای شي.