نن څلورمه ده چې د ننګرهار په چپرهار ولسوالۍ کې د داعش او طالبانو تر منځ جګړه روانه ده.
د داعش او طالبانو د جګړو له امله د سیمې ګڼ خلک مجبوره شوي چې خپل کورونه پرېږدي.
د ننګرهار د والي ویاند عطاالله خوګیاڼي ازادي راډیو ته وویل:
"د دغو نښتو پر مهال اووه کورونه د داعش او وسلهوالو طالبانو له لوري سوځول شوي، ۴۱ کورنۍ جلالاباد ته بېځایه شوي او تر ۲۰۰ پورې نورې کورنۍ د چپرهار شااوخوا ته بېځایه شوي دي."
د طالبانو او داعش خپلمنځي جګړې په وروستیو کې سختې شوې دي، تېره اوونۍ د جوزجان په قوشتپه ولسوالۍ کې د دواړو لورو تر منځ په جګړو کې تر اتیا ډېر کسان وژل شوي وو.
د چپرهار د جګړې د مرګ ژوبلې دقیقه شمېره تر اوسه نهده خپرې شوې خو د ننګرهار چارواکي وايي چې د دواړو لورو په لسګونه کسان وژل شوي دي.