د بغلان سیمهییز چارواکي وايي، په دوشي ولسوالۍ کې د افغان ځواکونو او وسلهوالو طالبانو تر منځ جګړې زور اخیستی.
د دوشي ولسوال شمسالدین سرحدي نن د یکشنبې په ورځ ازادي راډیو ته وویل، طالبانو د دغې ولسوالۍ د بيد دره سیمه نیولې او د کابل - شمال لویه لاره یې د ټرافیکو په مخ تړلې ده.
ښاغلی سرحدي زیاتوي چې په جګړه کې دوه مسافرې ښځې ټپيانې شوي او امنیتي ځواکونه هڅه کوي څو لویه لاره د وسلهوالو له کنټرول څخه ازاده کړي.
د چارواکو په وینا دوه ورځې وړاندې هم وسلهوالو طالبانو د بغلان په لویه لاره حمله کړې وه چې د افغان ځواکونو له لوري په شاتمبول شوې ده.