د روسيې په یو شمېر ښارونو کې د ولسمشر ولادېمیر پوتین پر ضد لاریونونه روان دي چې په ترڅ کې يې له نوموړي غوښتنه کېږي چې د ولسمشرۍ په راتلونکو ټاکنو کې ځان نوماند نه کړي.
په روسیه کې د ولسمشرۍ ټاکنې په راتلونکې مېلادي کال کې ترسره کېږي.
ګڼشمیر لاریون کوونکي تر دې شعار لاندې چې "نور موږ له دې ستړي شوي یوو او بس دی" په مسکو او نورو ښارونو کې راِغونډ شوي دي.
په مسکو کې د مهمو حکومتي ودانیو مخته سلګونه پولیس هم ځای پر ځای شوي دي.
دا لاریونونه د کريمیلن د منتقد او پرانیستي روسيي ډېموکراسي پلوه حرکت د مشر مېخایل خودوروفسکي لخوا تنظیم شوي دي.
ولادېمیر پوتین چې په ۲۰۰۰ مېلادي کال کې ولسمشر شو، دا مهال د ولسمشرۍ درېیمه دوره تېروي.
نوموړی دغه راز د۲۰۰۸ او۲۰۱۲ مېلادي کلونو ترمنځ د روسيې د صدراعظم په توګه هم پاتې شوی دی.