د طالبانو یو مشهور قوماندان پرون ماښام په میدان وردک ولایت کې د بې پيلوټه امریکایي الوتکې په برید کې ووژل شو.
د میدان وردک د والي ویاند عبدالرحمان منګل ازادي راډیو ته وویل چې ملا حبیب الله چې په چک او دایمیرداد ولسوالیو کې د طالبانو د ځان مرګو بریدونو مسؤل و، له خپلو ملګرو سره وژل شوی:
"ملا حبیب الله مشهور په ملا ذاکر چې د انتخاري بریدونو مسؤل و له خپلو دوو همکارانو سره لهمنځته تللی او له ښه مرغه په دې برید کې ملکیانو ته زیان نهدی اوښتی."
منګل زیاتوي چې ملا ذاکر په داسې حال کې وویشتل شو چې پر موټر سایکل سپور و.
طالبانو تراوسه په دې اړه څه نهدي ویلي.