د سویډن یوې محکمې د سې شنبې په ورځ دوه تنه افغانان او یو سوېډنی، پر یوې ښځې د جنسي تېري او په فېسبوک کې یې د وېډیو د خپرولو په جرم په بند محکوم کړل.
له محکومو شویو څخه یو تن ۲۱ کلن رضا محمد احمدي ښودل شوی چې د جنسي تېري په جرم په دوه کاله او څلور میاشتې بند محکوم شوی.
۱۸ کلن میثم افشار بیا د ده جرم شریکی او په یو کال بند محکوم شوی دی.
دا دواړه افغانان دي او په سویډن کې ورته د اوسېدو اجازه ورکړل شوې وه.
له دوی سره درېیم تن یو سویډنی ۲۱ کلن ایمېل خوډاګولي "Emil Khodagholi" له دې کبله چې د جنسي تېري وېډیو یې پر فېسبوک خپره کړې او پولیسو تهیې د دغه جرم راپور نهدی ورکړی، په شپږ میاشتې بند محکوم شوی دی.
دا کسان د سویډن مرکز استکهلم ته نېږدې د اپسالا په ښارګوټي کې د جنورۍ په ۲۲مه وروسته له هغې ونیول شول چې پر فېسبوک د خپرې شوې وېډیو څخهیې خلکو ځايي پولیسو ته شکایت وکړ.
محکمې همدارنګه مجرمانو ته حکم کړی چې د جنسي تېري قرباني ته به د ۳۸ زرو امریکايي ډالرو معادل تاوان هم ورکوي.