د افغانستان د قومونو او قبایلو وزارت له قومي بنسټونو غواړي چې د افغان ځواکونو په ملاتړ د مخالفینو په وړاندې خپل غږ پورته کړي.
د دغه وزارت سرپرست عبدالغفور لېوال نن د "ترهګرۍ په وړاندې د ملي بسیج په لور" د قومونو یوې غونډې ته د وینا پر مهال په افغانستان کې د امنیت په راوستو د قومي مشرانو او دینې عالمانو په رول ټینګار وکړ.
ښاغلي لیوال وویل:
"تر ټولو مهم په داسې ملي مسائلو کې د ملتونو غبرګون دی، هیله ده چې زموږ دغه درانه مشران، سپین ږیري او علما په دې برخه کې ګام پورته کړي او د خپلو اولادونو د قتلعام مخه ونیسي."
په دې غونډه کې یو شمېر قومي مشرانو هم په خلکو غږ وکړ چې له خپلو ملي امنیتي خواکونو څخه ملاتړ وکړي او د مخالفینو په وړاندې متحد شي.
له امنیتي ځواکونو څخه په داسې حال کې د ملاتړ دا غونډه جوړیږي چې د تېرې جمعې په ورځ په بلخ کې په ۲۰۹ شاهین قولاردو د وسلهوالو په یو ډله ییز برید کې د ملي اردو لسګونه غړو ته مرګ ژوبله واوښته.