د پکتيکا چارواکي وايي د برمل ولسوالۍ په انګورو اډې سيمه کې د پاکستاني پوځيانو له خوا د پوستې د جوړولو موضوع څېړل کېږي.
تر دې مخکې مشرانو جرګې اندېښنه ښوولې وه چې په انګورو اډې سيمه کې د پاکستاني پوځيانو د پوستې جوړولو مخنيوى نه دى شوى.
د پکتيکا والي محمد الياس وحدت ازادي راډيو ته وويل چې دوى تر وسه- وسه د دې پوستې د جوړولو مخنيوى کړى دى.
وړاندې هم د برمل ولسوالۍ په انګورو اډې سيمه کې د پاکستاني پوځيانو د تحرکاتو په باب اعتراضونه شوي دي.